Frágangur sendinga

Við meðhöndlun og flutning sendinga skal ávallt gætt að réttum aðstæðum og hitastigi í samræmi við eðli vörunnar. Kælivara skal geymd og flutt við 0–4°C og frystivara við –18°C, og skal þess gætt að viðhalda því hitastigi sem varan ber þegar hún kemur til flutnings, enda er ekki mögulegt að frysta eða kæla vörur niður á flutningsleið. Allar sendingar skulu merktar með skýrum kæli‑ eða frystimiðum til að tryggja rétta vörumeðhöndlun frá móttöku og gegnum alla flutningskeðjuna, í samræmi við þær kröfur sem gerðar eru til merkinga og frágangs matvælasendinga.

Þegar um er að ræða vöru sem ekki má blotna skal hún merkt með þar til gerðum miða og þess gætt að hún sé varin gegn raka og vatni á öllum stigum flutnings. Sama gildir um brothættar sendingar, sem skulu vandlega pakkaðar og greinilega merktar þannig að ljóst sé að meðhöndla skuli þær af sérstakri varúð.

Ef fluttur er hættulegur varningur samkvæmt ADR-reglum ber sendanda að kynna sér gildandi reglur, fylgja þeim í hvívetna og sjá til þess að nauðsynleg skjöl fylgi vörunni við flutning, í samræmi við þær kröfur sem gerðar eru til flutnings slíkra vara.

Góðar merkingar á sendingum eru grundvallaratriði í allri flutningskeðjunni til að auka öryggi við meðhöndlun og afhendingu.

ADR yfirlýsing fyrir hættulegan varning (ADR transport document for dangerous goods)