Sjálfbærnistefna Eimskips

Sjálfbærnistefna Eimskips var síðast uppfærð árið 2022. Stefnan byggir á þremur stoðum sjálfbærni umhverfismál, félags- og stjórnarhættir. Einnig styðja aðrar stefnur félagsins þessa grunnstefnu.

UFS markmið Eimskip kynnt ný UFS markmið árið 2023.  Félagið hefur sett metnarfull markmið um að draga úr kolefnisfótspori og stefnir á kolefnishlutleysi árið 2040.  Félagið hefur greint ítarlega þá sjálfbærniþætti sem eru mikilvæg félaginu og sett sér metnaðarfull markmið.

Eimskip undirritaði í nóvember 2015 yfirlýsingu um loftslagsmál sem felur í sér að draga úr losun gróðurhúsalofttegunda, lágmarka neikvæð umhverfisáhrif með markvissum aðgerðum og mæla árangurinn og gefa reglulega út upplýsingar um stöðuna. Eimskip hefur sett sér það markmið að ná kolefnishlutleysi fyrir árið 2040.

Eimskip er þátttakandi í UN Global Compact sem er hvati Sameinuðu þjóðanna til samfélagsábyrgðar fyrirtækja og stofnana að því er varðar mannréttindi, vinnumarkað, umhverfi og aðgerðir gegn hvers kyns spillingu. Félagið hefur með þátttöku sinni skuldbundið sig til að haga sínum rekstri þannig að hin tíu grundvallarmarkmið UN Global Compact verði samtvinnuð stefnu félagsins, menningu og daglegri starfsemi. Félagið hefur einnig skuldbundið sig til að tala fyrir UN Global Compact og grundvallarmarkmiðunum tíu þar sem því verður við komið og segja árlega frá því hvernig framkvæmdinni miðar. 

Eimskip er aðili að Festu, miðstöð um sjálfbærni, sem hefur það markmið að auka þekkingu á samfélagslegri ábyrgð fyrirtækja, og efla getu fyrirtækja til að tileinka sér samfélagslega ábyrga starfshætti.  

Eimskip vinnur eftir leiðbeiningum frá Nasdaq. ESG inniheldur 30 mælikvarða sem auðvelda birtingu upplýsinga á skýran og aðgengilegan hátt er varðar umhverfi (e. Environmental), félagslegir þættir (e. Social) og stjórnarhættir (e. Governance).